Nagsayuma si Presidente Ferdinand Marcos Jr. na magkomento dapit sa estado kan relasyon ninda ni Vice President Sara Duterte.
Sa sarong intrevista sa pag-atendir kaini sa misa para sa namaaram na ama sa Libingan ng mga Bayani, nagsayuma ini na magpaluwas nin pahayag dapit sa nagkalabuan nindang alyansa.
Habo man kaining maglawig pa an orolay kasunod kan pahayag ni Vice President Duterte na pagkalot sa saiyang ama na si dating Presidente Ferdinand Marcos Sr.
Marurumduman na sinabi ni Duterte na dapat na itapok an hawak ni Marcos Sr. sa West Philippine Sea.
Kun babalikan, sinda Marcos asin Duterte an running mates kan 2022 elections.
