Sinabi ni Presidente Ferdinand Marcos Jr. na pighihidali na an proseso sa pagpili kan bagong matukaw na Department of Education secretary.
Ini makalihis an ginibong pagdemitir sa pwesto ni Vice President Sara Duterte kan nakalihis na semana.
Segun ki Presidente Marcos na i-aanunsyar na an bagong DepEd secretary antes matapos an presenteng semana.
Paliwanag kaini na dae pwedesir na mabayaan nin halawig na panahon an departamento para sa kapakanan kan mga paratukdo asin mga estudyante.
Marurumduman na dakol na grupo an nangangapudan na dapat na sarong persona na hali sa education sector an dapat na iribay sa posisyon ngani na mas masabutan an mga pangangaipo.
