Binisto asin tinawang pugay ni Presidente Ferdinand Marcos Jr an mga Pilipinong padagos na naglalaban nin patas sa pang-aroaldaw na buhay.
Sinabi kan Presidente na an tunay na diwa kan kalayaan an mahihiling sa kada Pilipinong naglalaban sa aroaldaw.
Ini an mensahe ni Presidente Ferdinand Marcos Jr katakod kan selebrasyon kan ika-126 na taong anibersaryo kan Independence day.
Sinabi pa Presidente na inspirasyon niya an pakikipabaka kan mga ordinaryong Pilipino na naghahampang sa mga agyat sa aroaldaw.
Binisto man kan Hepe Ehekutibo an katatagan kan pwersa armada kan nacion na padagos na nagtatao nin proteksyon sa kada puglada kan satuyang teritoryo.
Kapot man kan Presidente an pusog na pagtubod kan mga Pilipino na nuarinman an dae magpapasakop sa panghaharass kan ibang nacion.
Kaibanan man sa tinawanang pugay kan Presidente an mga paraoma asin parasira na nagtatao nin pagkaon sa mga Pilipino siringman an dedikasyon kan mga paratukdo na nagpapanday sa isipan kan mga masunod na henerasyon.
