Nagtutubod si Presidente Ferdinand Marcos Jr. na kaipuhan pakusugon kan mga nacion na miyembro kan ASEAN an saindang supply chains asin pakusugon an kalakalan sa laog mismo kan rehiyon.
Segun sa presidente na saro sa importanteng adal kan COVID-19 pandemic an pangangaipo na mas pakusugon an supply chains, urog na sa pagultangan kan mga ASEAN countries.
Paliwanag kaini na pigkakarkulong nasa 23% sana kan kabilugan na kalakaran kan ASEAN an nagpupuon sa intra-trade o kalakalan sa laog kan rehiyon, mantag 77% an sa luwas kan ASEAN.
Huli digdi, nagkaigwa nin kasunduan an mga miyembrong nacion na enuton na pakusugon an koordinasyon sa kalakalan sa laog kan ASEAN region.
Sinabi ni Presidente Marcos na kaibanan sa mga pinag-oolayan an pagbilog nin common ASEAN power grid asin pag-standardize kan mga proseso sa importasyon ngani na maparikas an transaksyon asin mapararom an pagsabot sa let asin sistema kan pagnenegosyo kan lambang nacion.
Obheto kaini na maibalik an ASEAN bilang sarong makusog na pwersa sa pang kinaban na ekonomiya.
