LEGAZPI CITY-Dai suboot pigkakahandal ni Presidente Ferdinand Marcos Jr. an pagbaba kan saiyang approval ratings.
Sinabi ni Palace Press Officer Claire Castro na kun an rason kan pagbaba kan ratings kan Presidente an huli sa pagbusol kan imbestigasyon sa anomalya kan flood control projects, dai ini dapat ikahandal huli sa pigsasagibo man kan Presidente an mga dapat gibuhon.
Dagdag pa ni Castro na dai na pighahalat pa kan Presidente kun sisay an mapoon kan imbestigasyon maski kadakol an mga pulitiko asin darakulang tawo an naapektaran.
Marurumduman na nakapagrehistro nin 48 percent na disapproval rating si Marcos sa survey ngonian na Disyembre, na mas halangkaw kumpara kan nairehistro kan bulan nin Setyembre.
Mantang an approval kan saiyang performance naglangkaw nin sarong porsyento na nagin 34 percent mantang 18 percent sa mga respondents an nagtetenir na undecided.
