Liwat na ipapaapod si President Yoon Suk Yeol makalihis na isnabon an enot na summon ngani na mag-atendir sa imbestigasyon.
Pinadarahan nin summon si President Yoon kan nakalihis na Miyerkules ngani na mag-atendir sa Seoul Central District Prosecutors Office ngani na kuwestyunon an saiyang kontrobersyal na pagdedeklarar nin martial law alagad dae ini nagsunod.
Huli digdi, plano kan mga imbestigador na ipadara an ika-duwang pangapudan ki Yoon ngunyan na Lunes.
Segun sa sarong opisyal kan prosecution na ipinadara ninda an summon sa opisina ni Yoon alagad nagsayuma ini na kumpirmaron kun nagtao an presidente nin anuman na paliwanag sa dae pag-atendir sa Prosecutors Office.
Inakusaran si Yoon nin pag-abuso sa poder makalihis magdeklarar nin martial law na unconstitutional asin ipagsugo sa military commander na magpadara nin mga tropa sa National Assembly.
An suspendidong presidente an pinatawan man nin travel ban.
Marurumduman na na-impeach si Yoon sa paagi kan sarong parliamentary vote kan nakalihis na Sabado.
