LEGAZPI CITY-Piglinaw ngonian kan Department of Foreign Affairs (DFA) na an nakatakda na pagbisita ni President Ferdinand Bongbong Marcos Jr. sa Estados Unidos, huli sa imbitasyon ni US President Donald Trump.
Segun kay Foreign Affairs Secretary Theresa Lazaro na si Marcos man sana an enot sa ASEAN leaders na pigimbitaran ni Trump sa White House.
Magtetenir si Marcos sa Blair House kung sain iyo an opisyal na presidential guest residence sa White House.
Itinakda an pagbisita poon Hulyo 20 hasta 22 kung sain nagkapira sa mga pagoolayan kan duwang lider, iyo an pagkaakigwa nin makusog na relasyon kan Estados Unidos asin Pilipinas.
An nasabing pagbisita kasunod kan pagpapaotob bi Trump nin 20 percent na taripa sa mga produkto kan Pilipinas na pigdadara sa Estados Unidos.
