Tinawang linaw ni Presidente Ferdinand Marcos Jr. na warang pagbalgar na nangyari asin legal an pagkakaarestar asin pag-turnover sa International Criminal Court laban ki dating Presidente Rodrigo Duterte.
Segun saiya na sinunod sana ninda an tama asin legal na proseso sa pagserbi nin warrant magin an pagbasa kan saiyang karapatan.
Giit pa kan Presidente na nakikipagtabangan sana an Pilipinas sa International Criminal Police Organization asin bako sa ICC.
Nagdistansya man an Presidente na sarong pamumulitika suboot an nasambit na pag-arestar sa dating Presidente kun saen sinabi niya na an kaso an kan 2017 pa bago pa man maging Presidente si Marcos.
Dae niya man mababasol an mga namamanwaan kung ipigkonekta ninda sa pamumulitika an insidente alagad an masasabi kaini ipigpapaotob sana kan gobierno an ley.
