Ipigdoon ni Pope Leo XIV kan Domingo na dapat mangibabaw an kapakanan kan mga taga-Venezuela makalihis na mapatalsik an presidente kan nasyon na si Nicolas Maduro sa sarong operasyon na ginibo kan Estados Unidos.
Makalihis an pamibi nin Angelus sa St. Peter’s Square, sinabi kan an enot na American Pope na an karahayan kan banwaan nin Venezuela an dapat na enoton, urog pa sa ano man na ibang interes o konsiderasyon.
Segun ki Pope Leo, an pagbalyo nin kapangyarihan sa nasyon dapat na magbukas kan dalan pasiring sa pagtapos kan kadahasan asin pag-asenso kan hustisya asin katoninongan.
Tinawan man niya nin importansya an paggalang sa soberaniya kan Venezuela, pag-implementar kan mga nag-iiral na ley asin Konstitusyon, asin pagprotehir kan mga direcos humanos asin sibil kan lambang namamanwaan.
Hinagad man kan Santo Papa an magkasararong paghiro nganing makatugdok nin matoninong asin maatag na futuro kan nasyon, na may espesyal na atensyon sa mga nagtitiios na pinakaapektado kan matinding krisis sa ekonomiya.
An pahayag kan papa nangyari sarong aldaw makalihis na madakop si Maduro sa Caracas kan US special forces.
Bilang simbag, sinabi ni US President Donald Trump na an Washington an mangengenot sa Venezuela asin gagamiton an reserbang langis kan nasyon.
