LEGAZPI CITY- Pighahalat na sana kan Sorsogon Police Provincial Office an eksplinasyon kan mga personahes kan police units na nahilingan nin bayolasyon sa isinagibong ‘suprise inspection’ sa mga ini.
Sa intrevista kan Bombo Radyo Legazpi ki Sorsogon PPO Provincial Director Police Senior Supt. Marlon Tejada, isinagibo an nasabing ispeksyon bilang preparasyon sa paparaning Yuletide Season kun nuarin man mas nagdadakol an mga nairerehistrong krimen.
Segun ki Tejada, kaibanan sa mga nahilingan nin bayolasyon an Gubat Municipal Police Station na kulang an mga naka-duty na personahes mantang an iba an nakasibilyan pa.
Tinawang duon kan opisyal na dae pwedesir na palampason an kapabayaan kun kaya nahahampang an nasabing mga pulis sa reklamong simple neglect of duty asin pwedesir pang masuspendir sa trabaho.
Mientras tanto afuera sa mga surprise inspections, nakatutok man sa presente an Sorsogon PPO sa kampanya kontra iligal na droga kan administrasyon.
