LEGAZPI CITY- Nag-deploy nin mga personahe an Philippine National Police Bicol sa mga mayor na tinampo sa rehiyon ngani na magtaong seguridad sa mga biyahero.
Ini an sa tahaw kan pagbabalik kan mga pasahero sa Metro Manila asin sa iba pang parte kan nacion.
Segun ki Police Regional Office 5 Director Brig. General Andre Dizon sa intrevista kan Bombo Radyo Legazpi na sa presente two-way na an Andaya highway sa provincia kan Camarines Sur alagad moderato man liwat an bulos kan trapiko huli sa pagdakol kan mga biyahero.
Katakod kaini, naghagad nin dispensa an opisyal sa gabos na mga apektadong biyahero na nag-aagi sa Andaya asin Mahalika highway.
Mientras tanto, sinabi ni Dizon na sa presente mas diit an mga insidenteng nairerehistro sa rehiyon kumparar kan nakalihis na mga taon.
Nangangahulugan sana suboot ini kan pagdangog asin pakikipagtabangan kan komunidad sa pangapudan kan mga otoridad.
