Naka-full alert na puon sa Domingo an Philippine National Police para sa State of the Nation Address ni Presidente Ferdinand “Bongbong” Marcos Jr.
Segun kay National Capital Region Police Office chief Police Major General Jose Melencio Nartatez Jr., nasa 23,000 na mga pulis an idideploy sa aldaw mismo kan SONA sa Lunes, Hulyo 22.
Nasa 8,000 an magbabantay sa Commonwealth Avenue asin IBP Road areas na babangaon sa 15 grupo.
Nakabantay man an kapulisan sa mga grupo na pinaglalaoman na magsasagibo nin hiro protesta kasabay kan aktibidad.
Sa ngunyan nakalock down na an bilog na Batasang Pambansa Complex bilang parte kan pag-iingat asin bubuksan na sana ini sa Lunes.
