LEGAZPI CITY- Inasegurar kan Philippine National Police (PNP) an mahigot na seguridad sa pagpupuon kan filing of candidacy kan mga madalagang opisyal para sa 2019 election.
Sa intrevista kan Bombo Radyo Legazpi ki P/Supt. Nilo Berdin, hepe kan Tabaco City PNP nakikipagkoordinar na sa Commission on Election (COMELEC) para sa gigibuhong pagbabantay durante kan importanteng aktibidad.
Segun ki Berdin, nakatalaan na magkaag nin dakol na mga personahe sa mga COMELEC offices tangarig maibitaran an mga dae piglalaoman na pangyayari.
Hagad man kan hepe an pakikipagtabangan kan mga barangay officials tangarig mabantayan an matoninong na filing.
Mientras tanto, nakatalaan na punan an COC filing kan mga madalagan bilang kandidato sa Oktubre 11 hasta 17 kan presenteng taon.
