LEGAZPI CITY-Ipighayag kan presenteng kalihim kan Department of Justice na si Secretary Jesus Crispin Remulla na dai ninda ipagsasawarang bahala an planong pagsasangat nin pormal na kaso.
Segun sa kalihim, posibleng isangat an kasong “plunder” asin “malversation” laban sa mga tiwali asin imbuelto na mga opisyal asin kontratista sa maanomalyang mga proyekto.
Ma-file man nin kaso sa madalian panahon asin sisiertuhon na tama an mga isasangat na kaso.
Kasunod kaini, sinabi man niya na may mga ‘findings’ na nakukuwa an National Bureau of Investigation sa pag-iimbestiga sa isyu.
Sinabi pa kan kalihim na hale sa National Bureau of Investigation an findings mapadapit sa flood control projects.
