LEGAZPI CITY- Nagkondusir nin Run After Contribution Evaders (RACE) Campaign an Social Security System sa Legazpi City, Albay.
Segun kay Jeanette Mapa, Spokesperson kan Social Security System Legazpi Branch sa intrevista kan Bombo Radyo Legazpi na nasa pitong employers an binista kan opisina huli sa mga violations kaining non-remittance of contributions.
Sinabi kan opisyal na nasa 48 na empleyado an naapektaran kan mga naunambitang pagbayolar.
Dugang pa kaini na maabot sa P1.39 million an saindang pigbubukod sa pitong employers.
Segun kay Mapa na igwa na sindang pinadarang billing letter asin notice of violations sa mga employers asin pigtawan nin 15 aldaw ngani na magcomply.
Oras man na dae suboot magsunod an nasabing mga violators an masangat na ini nin reklamo sa saindang legal department.
Segun pa sa opisyal na kadaklan sa mga rason kan mga employers an nagtatao suboot sinda sa mga bookkeepers alagad dae ini nakakaabot sa opisina kan SSS.
Nagpagirumdom man ini na mag-ingat sa mga bookkeepers asin siguraduhon na maghagad nin resibo makalihis na makabayad.
