LEGAZPI CITY-Sarong 30-anyos na lalaking Pinoy an nalugadan sa bitis makalihis na tamaan nin missile impact sa banwaan nin Arad sa Israel, parte kan soboot pag-atake hale sa Iran, segun sa Philippine Embassy.
Tulos ining dinara sa Soroka Medical Center asin piglalaoman na makakaluwas na ini makalihis na mabulong.
Segun sa embahada, sarong rapid reaction team an nagbisita sa nairidong Pinoy asin iba pang kahimanwa sa Arad asin Dimona, kun sain nagkapirang mga apartment an bahagyang naraot.
Nagdistribwir man sinda nin food packs asin nagtao nin tabang.
Mientrastanto, an ibang mga Pinoy ibabalyo sa temporaryong istaran mantang an iba nagtetenir sa sarong hotel na harani sa Dead Sea.
