Libre na sa Value-Added Tax (VAT) an mga dayuhan na turista sa Pilipinas.
Kasunod ini kan pagpirma sa implementing rules and regulations kan Republic Act No. 12079 o an VAT Refund for Non-Resident Tourists kan Lunes, Marso 24.
Obheto kan ley na pakusugon an turismo asin engganyaron an mga dayuhang turista na gumastos sa nacion na magpapauswag sa ekonomiya.
Sa irarom kan implementing rules and regulations, an mga non-resident tourist o mga foreign passport holder an pwedesir mag-apply para sa VAT refund sa mga produktong binakal gikan sa accredited stores na may kantidad na dae mababa sa P3,000.
Kaipuhan man na nailuwas sa Pilipinas an mga produkto sa laog nin 60 aldaw puon sa date of purchase.
An VAT refund an para sana sa mga retail asin tangible siring kan bado, gadget, alahas, accessory, souvenir, pagkaon o non-food consumable asin iba pang produkto para sa personal use.
