LEGAZPI CITY-Mahigot na pinagbabantayan kan Pilipinas an sitwasyon sa Venezuela kasunod kan mga repot mapadapit sa pigkakasang malawakang operasyong militar sa pangengenot kan US forces.
Ipighayag ni Department of Foreign Affairs Spokesperson Angelica Escalona, na nangangapudan an Pilipinas sa gabos na kampo na resolbahon an saindang dai pagkakasinabutan sa matoninong na pamamaraan asin likayan an mga lakdang na posibleng magpalala pa kan tensyon sa rehiyon.
An pahayag kan ahensya kasunod anunsyo ni U.S. President Donald Trump na nagsagibo suboort an Estados Unidos kan sarong “large-scale strike” laban sa Venezuela na nagresulta sa pagkaka-arestar ni Venezuelan President Nicolas Maduro asin an agom kaini.
Mientrastanto, pigpapagirumduman kan Philippine Embassy sa Colombia, na may hurisdiksiyon sa Venezuela, an mga Pilipino duman na magtenir na nakaalerto asin aramon an mga ligtas na lugar na pwedisir pagtaguan enkaso maglala pa an sitwasyon.
Basado sa report kan, may kabilugang 74 na Pilipino an presenteng nagtetenir asin nagtatrabaho sa Venezuela.
