LEGAZPI CITY-Mas pinakusog pa kan Pilipinas an mga pundasyon para sa masunod na yugto kan nuclear energy program, susog sa Department of Energy (DOE).
Obheto kaini na magkaigwa nin progreso sa polisiya, regulasyon, internasyonal na kooperasyon, site assessment, financing preparations, asin public acceptance.
Susog sa pahayag kan ahensya na sistematikong nagtutukar ini kan mga pangangaipo sa imprastraktura sa irarom kan International Atomic Energy Agency (IAEA) Milestones Approach mantang an ancion an nag-aabante kan mga preparasyon kaini pasiring sa Phase 2.
An mga pangenot na pangyayari kabali an pag-uswag sa legal asin regulatory framework, enot na mga assessments kan mga potensyal na lugar nin nuclwar plant, asin mga pag-andam para sa pagpinansyal, pagpapauswag kan mga trabahador, waste management, asin grid readiness.
Pigtatrabaho na kan DOE pasiring sa sarong Phase 3 roadmap na minasakop kan imprastraktura na kaipuhan nganing an nacion magin handa na magkomisyon asin mag-operar kan enot na nuclear plant, na nagsisierto na anumang paghiro pasiring sa nuclear energy, pigsasagibo nin ligtas asin responsable.
