LEGAZPI CITY—Nakumpiskar kan mga personahes kan Philippine Drug Enforcement Agency (PDEA) Masbate Provincial Office an pigtutubudang marijuana sa ginibong interdiction operation sa sarong courier warehouse sa Barangay Divisorio, Cawayan, Masbate.
Nakumpiskar sa operasyon an sarong vacuum-sealed transparent plastic bag na may laog na dried marijuana leaves na may fruiting tops, kun sain may gabat ini nin pocomas o menos 50 gramos asin may standard value na P6,000.
Afuera digdi, narekober man an sarong pidaso nin itom na bubble wrap asin sarong plastic bag na ginamit bilang packaging materials.
Basado sa report, warang nangyaring pag-arestar durante kan ikinundusir an operasyon.
