LEGAZPI CITY—Nadiskubre kan mga suldados kan 2nd Infantry Battalion kan Philippine Army an abandunadong pigtaguan suboot kan New People’s Army (NPA) sa Barangay Cabungahan, Cawayan, Masbate.
Segun ki 9th Infantry Batallion, Philippine Army Division Public Affairs Office (DPAO) Chief Maj Frank Roldan, sa intrevista kan Bombo Radyo Legazpi, na dawa an nasambitang hide out abandonado na, nadiskubre man giraray kan saindang mga personahes an mga ekipahe siring kan 24 handguards kan M16 rifle, mga bala asin mga ekipahe sa paggibo nin bomba.
Sinabi kan opisyal na dati na ining nai-report saindang opisina kan mga concerned citizens kun saen may naoobserbaran sinda nin kaduda-dudang indibidwal harani sa lugar.
Mientrastanto, an mga nadiskubreng mga ekipahe itu-turnover sa Philippine National Police ngani mapag-adalan asin masunadan nin kaso sa kun kiisay man an responsableng indibidwal an may kinaaraman digdi.
 in Barangay Cabungahan, Cawayan, Masbate.){kind=link}