LEGAZPI CITY — Pinag-aadalan pa kan Philippine Institute of Volcanology and Seismology (PHIVOLCS) kun maapod na earthquake swarms an mga nairehistrong pagyugo sa Batuan, Masbate.
Sa intrevista kan Bombo Radyo Legazpi ki PHIVOLCS Director Renato Solidum, imo-monitor pa an mga paghiro sa Philippine fault zone sa mga masunod na oras.
Pag-eksplikar ni Solidum, an earthquake swarms an magkakasunod na linog na may diit sanang oras sa pagultanan na pahingalo.
Katakod kaini, dae man pigpapasipara kan PHIVOLCS an posibilidad sa pagkakaigwa nin makusog na pagyugo sa nasabing lugar o harani digdi.
Mientras tanto, maikokonsiderar man suboot na normal na paghiro an nangyari alagad pagirumdom ni Solidum na magin alerto an mga residente asin dae mag-panic sa mga siring na pangyayari.
