LEGAZPI CITY — Liwat na nagpagirumdom an Philippine Institute of Volcanology and Seismology (Phivolcs) sa publiko katakod kan posibilidad kan pagbulos nin lahar hali sa Bulkang Mayon enkaso magkaigwa nin makusog na pag-uran sa Albay.
Sa intrevista kan Bombo Radyo Legazpi kay Phivolcs Dir. Renato Solidum, huli sa nagpapadagos na eruption activity kan Bulkang Mayon, kakabit kaini an pagkatipon kan volcanic materials na posibleng ibaba bilang lahar.
Dugang pa ni Solidum na maski bako na bagyo asin igwang thunderstorm o makusog na uran sa laog nin sarong oras, pwedesir na magkaigwa nin lahar sa mga salog asin sapa na konektado sa bulkan.
Mientrastanto, napag-araman ki PAGASA weather forecaster Michael Francisco na makaka eksperyensya nin mapanganuron na panahon sa Albay na madara nin maluya hasta sa moderatong ag-uran na epekto kan trough sa bagyong Basyang.
Nakabandera man an gale warning sa eastern coast kan Albay asin Sorsogon kaya inalerto man an mga saradit na bangka sa paglawod sa kadagatan.
