Inasegurar kan Philippine Embassy sa Kuwait an kooperasyon sa mga lokal na otoridad makalihis mairehistro an sarong insidente kan suboot paggadan kan Filipino domestic worker sa sarong aki sa Kuwait.
Aminado man an embahada na nabigla sinda makalihis maaraman an insidente na pigkakaimbweltuhan kan sarong Overseas Filipino Worker.
Pigtataram na nangyari an pagkagadan kan aki sa laog kan harong kan employer kan Pilipina.
Enot na nagluwas sa mga impormasyon na inako kan Filipina domestic helper an paggadan sa Kuwaiti child sa paagi kan paglaog kaini sa washing machine.
Nagpaabot na man nin pakikidumamay an embahada sa pamilya kan biktima.
Dugang pa kan embahada na an isolated na insidente na ini an dae nagsasalming sa pangkabilugan na karakte kan mga Pilipino asin kan Filipino community sa Kuwait, na dakula an nagigin ambag sa komunidad.
