Pinahimutikan kan Philippine Health Insurance Corporation an pagtatagama nin haros P138 million para sa saindang Christmas party.
Segun sa state health insurance na an nasabing kantidad an itatagama para sa pagselebrar kan saindang ika-30 anibersaryo para sa masunod na taon susog sa pag obserbar kan National Health Insurance Month kada bulan nin Pebrero na idineklarar sa bisa kan Proclamation 1400 series of 2007.
Nagsusunod man suboot an korporasyon sa direktiba kan Malacañang na gibuhong simple an selebrasyon kan mga ahensya de gobierno kan Christmas season.
Ginibo kan Philhealth an paglilinaw kasunod post ni health reform advocate Dr. Tony Leachon na nasa P137,766,032 pondo an itinagama para sa manlain lain na items siring kan mga token, giveaways, commemorative medals asin iba pa.
Niribayan man ni Dr. Leachon an nasabing post alagad pigduon man liwat na magarbo an nasabing anibersaryo sa ibong kan problemang pinansyal na pigkakahampang kan mga Pilipino asin zero subsidy para sa Philhealth sa 2025 national budget.
