LEGAZPI CITY- Ipiglatag kan Philippine Health Insurance Corporation (Philhealth) Bicol an nagkapira sa mga oral health services na laog sa Philhealth Yakap.
Segun ki Philhealth Regional Office V Public Affairs Unit Head Leri Ilagan sa intrevista kan Bombo Radyo Legazpi na pwedesir na ma-avail kan mga miyembros an libreng mga serbisyo sa paagi kan mga accredited Yakap clinic.
Sakop kan programa an checkup sa ngimot asin ngipon, paglilinig kan ngipon, flouride application asin sealant.
Sa laog nin sarong taon, an kada miyembro an duwang beses na pwedesir na makapag avail kan nasabing oral health services.
Segun sa opisyal na kinakaipuhan sana na magparehistro bilang miyembro kan Philhealth asin magsairarom sa proseso ngani na makapili nin mga identified na Yakap clinic.
An dependents kan mga miyembro an kinakaipuhan man na naka-register para sa mga programa kan ahensya.
Kun an presente man na Yakap clinic an warang dental services, pwedesir na i-refer an pasyente sa clinic na igwa kan nasabing serbisyo.
