LEGAZPI CITY – Pigrereconocer kan Commission on Human Rights (CHR) Bicol an ‘right to life’ kun kaya maduon kaining pigkokontra an propuestong pagbabalik kan death penalty.
Segun ki CHR regional director Atty. Arlene Alangco, dae man naging rason an death penalty sa pagbaba kan kriminalidad huli sa an problema suboot kan nasyun iyo an mga sala sa justice system.
Dapat suboot na pakarayon muna an justice system kan Pilipinas antes na ipautob an padusang kagadanan.
Segun ki Alangco, naggigibo na sinda nin lakdang ngane iengganyar na publiko na magkapanya man an mga ini kontra sa death penalty huli sa peligro sana an dara kaini oras na maipasar man.
Kun dae man suboot madagos an death penalty, pwedesir na life imprisonment an itao sa mga nagkasala.
Alagad mas maray suboot kun makagibo nin lakdang an gobyerno na pig-aapod na restorative justice kun saen an indibidwal na nakakomiter nin krimen an isasairarom sa psycho-socio development ngane na pagluwas kaini sa sosyodad, magiging maray ng namamanwa.
Kun hihilingon kaya suboot, haros kabanga kan mga nagluluwas sa kulungan na dae nagsasairarom digdi an nagbabalik man sana sa pag-imbwelto sa parehong krimen.
Ipigduon liwat ni Alangco na an penal system kan nasyun an may problema.
