LEGAZPI CITY- Nagdonar nin daga si Philippine Charity Sweepstakes Office Board Member Sandra Cam para sa pagpapa-construir nin istasyon kan pulis sa Ticao Island, provincia kan Masbate.
Personal na ipighayag ni Cam an pagtatao kan nasa 2,000 square meters na lote para sa pagpapatindog kan tandard Type B/C Police Station durante kan selebrasyon kan ika-27 anibersaryo kan Police Regional Office 5 (PRO5) sa Camp General Simeon Ola sa ciudad kan Legazpi.
Napag-araman na saro man si Cam sa mga natawanan nin honra durante kan nasabing selebrasyon sa padagos asin taos-pusong pagsuporta sa pulisya.
Mientras tanto, nagpromesa man an nasabing opisyal kan padagos na tabang urog na sa paglaban sa mga kriminalidad asin iba pang polisiya na ipinapaotob kan presenteng administrasyon.
