LEGAZPI CITY- Naglatag nin dugang na mga K9 dogs an Philippine Coast Guard sa mga pantalan sa rehiyong Bicol bilang parte kan paghihigot sa seguridad.
Segun ki Philippine Coast Guard Bicol acting spokesperson Ensign Paul Laurence Literal sa intrevista kan Bombo Radyo Legazpi na anom na mga K9 dogs an ipiglatag sa mga pantalan.
Tulo sa mga ini an explosive detection dogs mantang an tulo man an narcotic detection dog.
Ini an kasunod kan pagkakaharang kan shabu shipment hali sa pantalan sa Masbate pasiring sa Cebu.
Segun sa opisyal na obheto kan dugang na mga K9 dogs na matabangan an mga otoridad sa pagpapaotob nin mga regulasyon sa mga panyalan.
Pinaglalaoman na dakulang tabang ini para sa pag-inspesyon kan mga kargamento kan mga pasahero.
Kumpiyansa man si Literal na magdadara an lakdang nin positibong pagbabago para sa pagpapaotob nin seguridad.
Mientras tanto, sinierto man kan opisyal na well-trained an nasabing mga K9 dogs kaya warang dapat na ikahadit an mga pasahero.
