Irerespeto kan Malacañang an mahewasang rally na gigibihon kan manlaen-laeng grupo sa Setyembre 21, na itatataon sa anibersaryo kan deklarasyon kan martial law kan panahon ni dating Presidente Ferdinand E. Marcos.
Segun ki Palace Press Officer Atty. Claire Castro, pigrespeto ni Presidente Ferdinand Marcos Jr. an sentimyento kan namamanwaan kaya malaya an mga ini na ihayag an saindang namamatean.
Ini suboot an laban sa korapsiyon na nilalabanan man kan Presidente kaya pareho sana an namamatean asin sentimyento kan mga ini.
Solamenteng pangadyi kan Malacañang na dae sakyan kan ibang indibidwal an September 21 rally nganing maglansar nin destabilisasyon.
Obheto kan September 21 rally na kalampagon an gobyerno asin ipagdoon na panimbagon an mga imbuelto sa mga katiwalian sa gobyerno.
