Nagsapar nin knee hyperextension injury si Philadelphia 76ers star Paul George sa preseason game kaini kontra Atlanta Hawks.
Nakuwa ni George an nasabing injury sa ika-duwang quarter pa sana kan kawat asin dae na nagbalik pa.
Pigdedepensaran kaya ni George an kalaban kan mawaran ini nin balanse kan mapa atras.
Sa nasabing kawat, dinaog kan 76ers an Hawks sa score na 104-89.
Nakapagrehistro man si Tyrese Maxey nin 14 points asin 7 assists para sa 76ers mantang si Guerschon Yabusele an nag-ambag man nin 10 points.
Bako pa man malinaw ngunyan kun hasta nuarin magpapahingalo si George.
