Pig-asigurar kan Department of Justice (DOJ) na magkakaigwa nin pantay asin balanseng pagkapot sa magigin pagtukar kan rape complaints laban sa sarong Philippine Air Force (PAF) two-star General.
Segun kay Justice Secretary Jesus Crispin Remulla, dapat na magin tapat, pantay asin maray an magigin pagtukar sa mga complaints urog nang sarong high-ranked official an ipigrereklamo kan duwang PAF personnel.
Posible kayang nagwalat nin trauma sa mga biktima an mga pangyayaring saindang na-eksperyensya kun kaya nagpromesa an ang DOJ na tututukan ninda an mga kaso.
Segun man sa legal kan mga complainants, naisunad na an mga kaso maski pa isinairarom na kan Armed Forces of the Philippines (AFP) an opisyal sa sarong internal investigation.
Kasunod kaini an inanunsyar ni AFP Public Affairs Office Chief Col. Xerxes Trinidad na presenteng nasa restrictive custody na an opisyal makalihis madiskubre sa inisyal na imbestigasyon an prima facie na ebidensya nganing irekomenda an court martial proceedings laban sa nasasakdal.
Mientrastanto, ipighayag man ni Trinidad na matapos an pagrepaso sa resulta kan pre-trial investigation, pwedesir ipag-sugo ni AFP Chief Gen. Romeo Brawner Jr. an pagsasagibo nin mga paglilitis kan court martial.
 has assured that there will be a fair and balanced handling of the rape complaints against a Philippine Air Force (PAF) two-star General.){kind=link}