Ipinagpaliban ni US President Donald Trump an patanid na pag-atake sa mga power plants kan Iran makalihis an suboot productive na pag-oolay kan duwang nacion, sarong pahayag na pinahimutikan kan Tehran.
Segun ki Trump, nagkaigwa nin negosasyon an US asin Iran para sa complete and total resolution kan mga hostilities sa Middle East.
Huli digdi, pinugol niya an naenot na 48-oras na deadline na itinao kan Sabado kun saen nagpatanid siyang i-obliterate ang mga pasilidad kan Iran kun dae liwat bubuksan an Strait of Hormuz.
Huli kan anunsyo, tulos na nagbagsak an presyo kan oil asin gas sa pankinabang merkado.
Bago ini, nagkaulay man sinda Trump asin UK Prime Minister Keir Starmer kun sain ipigdoon ninda an pagbubukas kan nasabing lugar an importante sa liwat na pagbabalik sa normal kan global shipping.
Sa ibong kan mga pahayag ni Trump, ipighayag kan sarong dae na pinanganaranang source gikan sa sarong Iranian news agency na warang nangyaring direktang pag-uulay sa pagultangan ninda Trump asin kan Tehran.
