Magtitinir si Pacifico “Curlee” Discaya II sa kustodiya kan Senado makalihis ibasura kan Pasay City Regional Trial Court Branch 498 an habeas corpus petition kan saiyang kampo.
Segun sa korte, wara nin supisyenteng ebidensya na nagpapahiling na grave abuse of discretion an ginibo kan Senado sa pagkulong ki Discaya.
Ini an kinumpirmar kan saiyang abogado na si Atty. Cornelio Samaniego III, na nagsabi na padagos pa nindang pighihingoha na makua an opisyal na kopya kan desisyon.
Magigirumduman na pinatawan kan Senado si Discaya nin in-contempt kan Setyembre 18 makalihis suboot na mag-utik ini sa ginibong hearing kan Blue Ribbon Committee manungod sa mga iregularidad sa flood control projects.
Nanindugan an Senado na lehitimo asin nasususog sa Konstitusyon an saindang aksyon.
