LEGAZPI CITY — Maswerteng lugad sana an sinapar kan sarong paraoma makalihis na pagbabadilon kan kapwa paraoma sa banwaan kan Uson, Masbate.
Binisto an biktima na si Denis Azares, 26-anyos mantang an suspek iyo si Benny Belen, 55-anyos na parehong residente kan Purok 5, Barangay Quezon.
Nagluluwas sa ikinondusir na imbestigasyon na lunad kan saiyang motosiklo an biktima na nasa luwas kan harong kan saiyang tugang na si Sheryl Coton kan biglang badilon kan suspek.
Duwang beses binadil si Azares gamit an caliber 38 na badil na nagtama sa saiyang likod.
Tulos man na naidalagan sa ospital an biktima na sa ngonian nagpaparahay na.
Nadakop man kan Uson Police an suspek alagad dae na narekober pa an ginamit kaining armas.
Sa ngonian, ipighahanda naman an kasong kakahampangon kan suspek na isasangat sa Masbate Provincial Prosecution Office, Masbate City.
