LEGAZPI CITY – Nagbaba nin direktiba an Department of Education (DepEd) Bicol sa mga nasasakupang school’s division office sa paramientras na pagsuspinder kan pagsusulot nin dark-colored uniforms kan mga estudyante asin paratukdo.
Obheto kan lakdang na makontrol an pdagos na paglobo kan kaso kan dengue sa rehiyon urog pang lagpas na an mga kaso sa epidemic threshold.
Pag-eksplikar ni Deped Bicol information officer May Flor Jumamil sa intrevista kan Bombo Radyo Legazpi na nagluluwas sa nagkapirang pag-aadal na regular na pigkakagat nin lamok an mga nakasulot nin matitingkad na kolor nin bado siring kan navy blue, itom, brown asin iba pa.
Imbes suboot na dark-clolored, baluon an pagsusulot nin light-colored shorts asin sabayan nin haralabang medyas.
Importante man suboot na pirming may darang tubig an kaakian asin tagapagtukdo asin magtenir na hydrated na panlaban man sa nasabing helang na makukua sa kagat kan lamok.
