LEGAZPI CITY — Inerereklamo kan kapitan kan Barangay Tabon-Tabon sa banwaan kan Daraga an paputol-putol na road widening project kan Department of Public Works and Highways (DPWH) Bicol sa saindang lugar.
Segun ki Kapitan Eric Rodrigueza, an pag-four lanes kan saindang tinampo an nagkakawsa nin aksidente sa saindang barangay siring man an kawaran nin mga warning signs.
Tinawan man nin kasimbagan kan tagapagtaram kan ahensya na si Lucy Castañeda na may problema sa right of way an tinampo kun kaya paputol-putol an proyekto.
Segun digdi, sa pinakakanto suboot paluwas sa national road sa nasabing barangay an may problema sa road right of way huli sa dae ini nabakal kun kaya may porsyon na dae pa nakokonreto.
An tinampo man kaya suboot an bako man parte kan national road kundi parte kan convergence project kan DPWH asin Department of Tourism (DOT).
Ineksplikar kan opisyal na kun nasa irarom kan nasabing proyekto, nasa local government unit na kan Daraga an obligasyon na magbakal kan daga asin bako sa DPWH.
Dugang pa ni Castañeda, ini-readjust man suboot ninda an dating nailuwas na kwarta asin difisil man na mag-request nin saro pang pondo para sa nasabing proyekto.
