LEGAZPI CITY — Kaipuhan suboot na sabuton kan lambang namamanwa na may ley para sa impeachment complaint na na isinumite laban ki Pres. Rodrigo Duterte.
Nagkapira sa grounds kan impeachment an culpable violation kan Konstitusyon, paggibo nin high crime arog na sana kan pagkomiter nin murder.
Kun kaya segun ki Atty. Yami Balayo, may naging basehan an pagsumite kan reklamo huli sa panarom pa sana kan presidente na kadakol na ining pinagadan asin nagpaparapagadan pa hasta sa ngunyan.
Sarong malinaw na basehan suboot ini nin impeachment laban sa presidente na kun saen si Duterte mismo suboot an nagtao.
Alagad segun sa abogado, saro ining political exercise kun saen padakulan na boto an pigpapautob asin ngunyan, kadakol na boto an presidente kun kaya imposibleng mangyari an impeachment.
Alagad nag-abiso man si Balayo na kaipuhan man liwat na gibuhon asin dae pabayaan an nangyayari asin enkasong magpalyar man, maluwas suboot na maski an Kongreso asin Senado an malinaw na sunud-sunudan ki Duterte kun kaya pwedesir nang isangat an kaso sa International Criminal Court (ICC).
Dugang pa kaini, may iba pa mang proseso apwera sa impeachment.
