LEGAZPI CITY- Nangapudan an pamilya kan sarong 73-anyos na lolo na akuon kan nakabangga na motorista na akuon kan suspek an gastuson sa pagpapalubong kan biktima.
Segun sa esposa kan nasabing lolo na si Ediña Abdula sa intrevista kan Bombo Radyo Legazpi na naglilinig siya sa Barangay Rawis asin pigtatabangan siya kan agom kan mangyari an insidente.
Nagbalyo sana suboot ini sa tinampo ngani na magtapok kan saindang piglinig na basura kan madangog niya na igwang nabangga asin nakigkig kan mahiling na an agom niya an biktima.
Pag-istorya kaini na saro siyang street sweeper asin nagtatabang sana saiya an agom.
Napag-araman na naidalagan pa sa ospital an biktima alagad binawian man liwat ini nin buhay huli ta sinabayan pa nin atake kan asthma.
Segun ki Abdula na nasa irarom nin impluwensya nin arak an motorista na nakabangga sa saiyang agom kaya dapat sanang manimbag ini sa insidente.
Sa suway na intrevista sa aki kan biktima na si Freddie Abdula, hagad ninda na matabangan sinda kan motorista sa mga gastuson sa pagpapalubong huli sa pigkukulang man sinda sa pinansyal na pangangaipo.
