LEGAZPI CITY—Naghahagad nin paninimbagan an grupo nin parasisira sa may kagsadiri kan sarong dredging ship makalihis na magsadsad ini asin magbangga sa istruktura nin tahungan o musselfarm sa Cavite City.
Segun ki Pambansang Lakas ng Kilusang Mamamalakaya ng Pilipinas (Pamalakaya) Spokesperson Salvador France, sa intrevista kan Bombo Radyo Legazpi, na dae suboot sienerto kan may kagsadiri o tripulante an angkla kan nasabing dredging ship sa Manila bay. Asin huli kan maraot na panahon an nakaabot an barko sa mussel farm sa naunambitang ciudad.
Mawot ninda na manimbag an may kagsadiri nganing maibalik sa mga parasisira an saindang pagkalugi asin kapital makalihis na magsapo nin danyos an nasa labi 10-ektarya na musselfarm.
Dugang niya na hasta sa ngunyan wara pang simbag an gobierno sa naunambitang isyu.
Mientrastanto, padagos man an pangapudan ninda na dapat igwang komprehensibong plano an gobierno sa gabos nin sektor sa nacion uropg na ngunyan nahahampang sinda sa matinding krisis.
