Inengganyar kan Malacañang an publiko na dangugon asin hilingon an ika-apat na State of the Nation Address (SONA) ni Presidente Ferdinand Marcos Jr. sa Lunes, Hulyo 28.
Susog sa Presidential Communications Office (PCO), importanteng madangog kan namamanwaan an mga trayumpo kan Marcos administration kan nakaaging taon asin an mga masunod na plano para sa kapakanan kan mga Pilipino.
Mantang abala an Presidente, padagos an paghahanda kaini para sa saiyang ika-apat na SONA partikular an balangkas kan magiging laog kan saiyang ihahayag sa taong bayan sa Lunes.
Naenot nang sinabi kan Presidente na haros patapos na an draft kan saiyang magiging speech asin maski abala ini sa saiyang mga aktibidad pag-abot gikan sa Amerika ipig-aasikaso kaini an saiyang paghahanda para sa saiyang nakatalaang SONA.
Wara pang itinaong ibang detalye an Presidential Communications Office katakod sa mga piggigibong preparasyon kan Presidente para sa saiyang SONA sa Lunes.
