Presenteng abala an Pakistan sa paghahanda na mag-host nin peace talks sa pagultanan kan Estados Unidos asin Iran sa tahaw kan nagtitinding tensyon sa Middle East.
Segun ki Foreign Minister Ishaq Dar, nagkaigwa nin palitan nin mga mensahe sa pagultanan kan duwang lado sa paagi kan Islamabad, asin bukas an Pakistan na magin neutral ground para sa direktang orolay.
Suportado kan Egypt, Saudi Arabia, Turkiye, China, asin United Nations an inisyatiba, na an katuyuhan na malikayan an paglala kan iriwal.
Mientrastanto, nagtetenir na kritikal an Tehran asin padagos na inakusaran an Washington na nagpaplano nin sarong ground assault, mantang an Estados Unidos an nagsabi na igwa nin “productive conversations” na nangyayari alagad wara pang malinaw na commitment.
Sa ibong kan suporta kan rehiyon, nagtetenir na sarong angat an hararom na kawaran nin tiwala sa pagultanan kan duwang nasyon, asin an mga masunod na semana iyo an madeterminar kun an diplomasya an mabunga o matenir na retorika sana.
