Inilipat kan Senate impeachment court sa Hulyo 20 an petsa kan pagtestigo ni National Bureau of Investigation (NBI) Director Melvin Matibag.
Huli digdi, matatawan nin tsansa si Matibag na tumestigo antes an saiyang pagbiyahe para sa official engagement sa Bangkok, Thailand puon Hulyo 21 hanggang 22.
Sa ibong kan pagkontra kan depensa asin ribayan nin pananaw sa kahagadan kan prosekusyon kan paglipat sa pagtestigo kan NBI chief, nagdesisyon si Presiding Officer Francis Escudero na aprubaran an propuesto alagad pigduon na dapat ipagpadagos ni Matibag an saiyang pagtestigo hasta sa makumpleto kan depensa asin prosekusyon an saindang pagsusuri saiya.
Enkasong dae matapos an pagtestigo ni Matibag sa Hulyo 20, ipagpapadagos ini sa masunod na petsa kan trial hasta sa makumpleto an cross examination, redirect examination asin recross examination, kung kinakaipuhan.
Ipigsugo an pag-subpoena ki Matibag ngani na maghampang sa Senate impeachment court, alas-2 nin hapon sa Hulyo 20.
