Pighayag kan Philippine Amusement and Gaming Corp. na nagluya an pagtalubo kan Philippine gaming industry sa ika-tulong quarter kan taon, makalihis mairehistro an P94.51 billion na gross gaming revenue.
Mas hibaba ini sa P94.61 billion kan nakalihis na taon.
Segun ki Pagcor Chairman asin CEO Alejandro H. Tengco, an pagbaba an kawsa kan bagong patakaran kan Bangko Sentral ng Pilipinas na pagsusuway kan e-wallets hali sa mga lisensyadong online gaming platform.
Sinabi kan opisyal na naapekyaran kan reporma an Electronic Games sector na pinakamarikas na magtalubo sa industriya.
Maski pa naglangkaw nin 17.4% an gross gaming revenue sa E-Games sa P41.95 billion kumparar kan nakalihis na taon, nagbaba man an ganansya an Agosto asin Setyembre huli sa mahigot na polisiya sa digital payments.
