LEGAZPI CITY – Ipighayag kan Mines and Geosciences Bureau (MGB) Bicol na kaipuhan nindang magsunod sa ipapautob na total ban kan administrasyon.
Segun ki MGB-Bicol Regional Director Danny Molina, masunod suboot sinda sa kasuguan na ini alagad naglalaom sinda na magiging giya an katotoohan na gabos na tiggigibo ninda an may koneksyon sa mga mineral.
Kun an impresyon suboot kan gobyerno na dae nakaka-kontribwir nin maray an mining induistry sa gross domestic product kan nasyun, pwedesir man na pilion sana an mga mineral na importante sa pang-urualdaw na buhay kan namamanwa.
Saro na suboot digdi an mga construction materials arog kan semento, graba asin basud, asin quarry materials na kaipuhan sa mga proyektong pang-imprastraktura.
Sa pag-implementa man kan kasuguan segun ki Molina, mas apektado an rehiyon na nakadepende an hanapbuhay sa pagminina.
Alagad 2% sana an kontribusyon kan rehiyong Bicol sa mining industry base sa 2015 data, maaapektaran man liwat an haros rinibong katawo.
Kan ipinasara kan MGB an mga small-scale mining companies sa Camarines Norte kan nakalihis na taon, haros 11,000 na residentes an naapektaran.
Sa ibong kaini, sinabi ni Molina na sa pagkakaigwa nin pagpapasara nin mga minahan, sarong oportunidad inin ngane na malinig an records kan opisina asin an mga mawawalat na minahan an kaipuhan suboot magsunod sa konsepto kan responsible mining.
