Pinuunan na ngunyan na aldaw an dugang sa presyo kan kada tangke nin liquefied petroleum gas (LPG).
Segun ki LPG Marketers’ Association (LPGMA) President Arnel Ty, na ginibo nindang dywang tranche an paglangkaw kan presyo na P10 sa kada kilo kan LPG ngani na dae magin magabat para sa mga parabakal.
An enot na P5 na dugang sa presyo sa kada kilo kan LPG an ipinaotob ngunyan na Abril 1 kun sain igwang P55 na dagdag sa kada 11 kg na regular na household LPG cylinder.
Pag-abot man kan Abril 7 magkakaigwa nin dugang na P5 o panibagong P55 sa kada 11 kg.
An nasabing paglangkaw sa presyo an aprubado kan Department of Energy (DOE).
Dugang pa kaini na nagkukuwa an Pilipinas nin LPG hali sa South Korea asin Japan kun sain igwa sindang emergency reserves nin hasta sa 250 aldaw.
Sa presente maabot pa sa 40 aldaw an stocks kan LPG sa nacion.
