LEGAZPI CITY- Inapod ni Father Rex Arjona kan Diocese of Legazpi na “ironic” an pagkapasar kan padusang kagadanan sa ika-duwang pagbasa kan Kamara.
Ini huli suboot sa rason na nagboto nin pagpabor sa propuesto an mga lehislador na igwa nin krus sa angog katakod kan pag-obserbar kan Ash Wednesday kasuudma.
Sigon ki Father Arjona, namumundo an Simbahang Katoliko sa nagin resulta kan pagbasa na nagpapahiling man sana nin pagsipsip kan nagkapirang lehislador ki Presidente Rodrigo Duterte ngani na magpahiling nin suporta sa kampanya kontra iligal na droga.
Dugang pa kan padi, sarong “desire for revenge” man sana an pagbusol sa padusang kagadanan huli ta dae man talaga ini nakakatabang sa pagbawas sa mga krimen.
Lakdang suboot ini ni Duterte ngani na dae na mag-agi sa rehabilitasyon an mga madadakop na drug suspects na pigsusuportaran na ngunyan kan mga lehislador na sigon sa padi, naghahalat man nin benepisyo gikan sa presidente.
