(EXCLUSIVE) LEGAZPI CITY — Naglalaom an complainant na nagin biktima ni Peter Joemel Advincula alyas Bikoy na mailuluwas an katotoohan kasunod kan pagsusumite nin affidavit kontra sa akusado na nahahampang sa kasong Estafa.
Sa ekslusibong intrevista kan Bombo Radyo Legazpi ki Danrick Capuz, production director kan sarong beauty pageant sa Polangui, Albay, haloy na suboot na pighahanap si Bikoy makalihis dulagan an inorganisang pageant kan 2018.
Istorya ni Capuz, in-charge siya sa hiring asin recruitment kan support staff para sa pageant mantang si Bikoy an nagkapot kan gabos na sponsorship solicitation and requirements para sa mga kandidato kasabay an sale kan mga produkto asin promotional materials.
Alagad kan Agosto 11, 2018 o sa aldaw mismo kan coronation night, “no show” si Bikoy asin dae na na-contact pa.
Dinuman suboot ninda an oficina sa Ligao alagad wara na ini.
Huli ta bitbit ni Bikoy an kwarta para sa awards asin cash prize, dae na nakua pa kan mga nanggana asin dae man nabayadan an production support staff.
An Ardeur World Marketing Corporation na nadamay sana sa kontrobersiya an nagbayad.
Segun pa ki Capuz, ngonian na nagsumite na siya nin affidavit, nakahanda naman an supporting documents para sa kaso asin bukas man suboot an iba pang nabiktima kan respondent na magtestigo kontra digdi.
