LEGAZPI CITY – Nagin matuninong an paghatod kan hawak ni Congressman Edcel Lagman pasiring sa saiyang residensya sa Sugod, Bacacay, Albay.
Magigirumduman 100 personnel an pigdeploy kan Albay Police Provincial Office nganing magtao nin full military honor asin masyerto an siguridad hale sa arrival hasta sa paghatod kan lawas kan kongresista pasiring sa saiyang harong.
Segun ki Police Colonel Julius Añonuevo, an provincial director kan Albay PPO sa intrevista kan Bombo Radyo Legazpi na ginibo ninda an nasabing lakdang bilang pagtataong pugay sa namaaram na batikang mambabatas.
May mga ibinugtak na man sindang seguridad sa lamay kan kongresista nganing maipaotob an pazy orden sa lugar asin mamantenir an katrangkilohan sa lugar.
Nagbaba na man siya nin kasuguan sa Tabaco City Police Station sa pagbubugtak nin seguridad sa paglipat kan hawak kan mambabatas sa St John the Baptist Parish Church na gigibuhon sa maabot na martes.
Pangapodan kaini sa publiko na mapasiring sa lamay ni Congressman Lagman na mag-ingat sa pagbyahe, dae na magdara kan mga bagay na ipigbabawal kan pulisya asin magtao nin respeto sa pakikidumamay sa pamilya Lagman.
