LEGAZPI CITY—Ikinaogma kan mga kaparientes kan mga biktima nin giyera kontra droga an pagbasura kan International Criminal Court (ICC) Appeals Chamber sa kahagadan na interim release o paramientras na paglaya kan lado ni dating Presidente Rodrigo Duterte.
Segun ki Rise Up for Life and for Rights Coordinator Rubilyn Litao, sa intrevista kan Bombo Radyo Legazpi, na an nangyaring pagbasura sa interim release an nangangahulugang nahihiling kan ICC kun siisay an biktima sa war on drugs kan dating administrasyon.
Importante man suboot na mapuonan na an paglilitis nganing mahiling kun ano mismo an nangyari sa nakalihis na war on drugs asin mapanimbag an iba pang mga imbueltong indibidwal.
Naglalaom man si Litao na magpapapadagos na an proseso asin sainda man suboot na pigrerespeto an direchos kan ibong na lado, alagad dapat man na dangogon asin respetuhon an lado kan mga biktima kan war on drugs.
Mientrastanto, nagpapasalamat man an opisyal sa pagpanig kan ICC chamber sa mga pamilya kan tunay na biktima nin war on drugs kan dating Presidente.
